ჟიურიში მოწვეულნი იყვნენ წარმატებული ბიზნესმენები, რომლებმაც პრეზენტაციები შეაფასეს რამდენიმე კრიტერიუმით: განხორციელებადობა, ზრდის პოტენციალი და სოციალური გავლენა.
სულ წარმოდგენილი იყო 3 ჯგუფი. მე-3 ადგილზე გავიდნენ თბილისის ექსპერიმანტალური სკოლის მოსწავლეები, რომლებიც EMT- განათლებისა და მართვის გუნდმა დააჯილდოვა 3-თვიანი ტრენინგ კურსით. მე-2 ადგილი ანუ სოციალური გავლენის ჯილდო მოიპოვა გორის წმინდა გიორგის ლიცეუმისა და მე-3 სკოლის ნაკრებმა გუნდმა, რომელსაც გადაეცემა ფულადი პრიზი 500 აშშ დოლარის ოდენობით. 1-ელ ადგილზე კი გავიდა თბილისის ბაქსვუდის საერთაშორისო სკოლის გუნდი, რომლის წევრებიც აპრილის თვეში გაემგზავრებიან ამერიკის შეერთებულ შტატებში საფინალო პრეზენტაციების ჩასატარებლად. მათ გადაეცათ ფულადი პრიზი 500 აშშ დოლარის ოდენობით. პროგრამის ორგანიზატორი, დელავერის უნივერსიტეტი, მათ გადასცემს 1000 აშშ დოლარს და უზრუნველყოფს ამერიკის შეერთებულ შტატებში სასტუმროს ხარჯებს.
ყველა მონაწილეს და მათ მენტორებს გადაეცათ სერთიფიკატები.
ამერიკის შეერთებულ შტატებში კონკურსი გაიმართება 30 აპრილს, დელავერის უნივერსიტეტში, სადაც მონაწილეობას მიიღებენ გამარჯვებული გუნდები მოლდავეთიდან, ტუნისიდან, კენიიდან, ამერიკიდან და საქართველოდან.
კონკურსის შედეგად გამოვლინდება 3 გამარჯვებული გუნდი, რომლებსაც გადაეცემათ ფულადი პრიზები თავიანთი იდეის განსახორციელებლად: 1-ელი ადგილის მფლობელი გუნდი მიიღებს $7,500, მათი წარმომადგენელი სკოლა კი - $1,000, რათა დაინერგოს სამეწარმოო განათლების ინიციატივები. მე-2 ადგილზე გასულ ჯგუფს და მის სკოლად გადაეცემათ $5,000 და $750. ხოლო მე-3 ადგილზე გასული მონაწილეები მიიღებენ $2,500 და $500.
EMT- განათლებისა და მართვის გუნდი დიდ მადლობას უხდის თითოეულ მონაწილეს და გამარჯვებულებს წარმატებებს უსურვებს. მომავალ წელს EMT- განათლებისა და მართვის გუნდი კვლავ გეგმავს, რომ უმასპინძლოს Diamond Challenge-ის პროგრამას.
მადლობას ვუხდით გვერდში დგომისთვის ორგანიზაციების წარმომადგენლებს: სიქა, შპს "დიო", შპს "Iknow", World Vision, ეკონომიკური განათლების ასოციაცია, ბარამი ლოჯისტიკი, CSRDG, "ფინკა" ბანკი, "ლიბერთი" ბანკი, YMCA საქართველო, პოლიგრაფ სერვისი.
