EMT- განათლებისა და მართვის გუნდი გთავაზობთ ინტერაქტიულ ბანაკს - "ცხრაკლიტული"
ინტერაქტიულ-შემეცნებითი ბანაკი "ცხრაკლიტული" მათთვის, ვისაც სურს დაუვიწყარი და ემოციებით სავსე 8 დღე გაატაროს, ბაკურიანში, 2015 წლის ზაფხულში.
ბანაკი მათთვის, ვისაც სურს ინტერაქტიულ აქტივობებში მონაწილეობა, IQ-ს ამაღლება, ინდივიდუალური და გუნდური მუშაობის უნარების განვითარება რთულ და მოულოდნელ სიტუაციებში.
ბანაკის მათთვის, ვისაც უბრალოდ სურს EMT-ს გამოცდილ გუნდთან ერთად, კიდევ ერთ ბანაკში მონაწილეობა ბაკურიანში!
ბანაკის ვადები: 15-22 აგვისტო 2015 წელი;
მონაწილეობა შეუძლია ყველას:
ვინც არის 10-17 წლის ასაკის;
ვისაც აქვს სურვილი გაიუმჯობესოს დამოუკიდებლად ცხოვრების უნარები და გაიმარჯვოს სირთულეებზე;
ვისაც სურს შეისწავლოს უამრავი აქტივობა, რომელსაც მომავალში გამოიყნებს თანატოლებთან ურთიერთობის დროს;
ვისაც უნდა დაუვიწყარი და პოზიტიურად დამუხტული ბანაკში მიიღოს მონაწილეობა, რომლის პერიოდშიც თითოეულ დღეს თითო ბოქლომის გასახსნელი გასაღები უნდა მოიპოვოს.
გარდა ამ მონაწილეებისა, ბანაკში წამოსვლა შეუძლიათ ახალგაზრდებს 18 წლიდან ზემოთ, რომლებისთვისაც პროგრამა განსხვავებული კუთხით იქნება წარმოდგენილი. ისინი ისწავლიან ბანაკის სამუშაოს განრიგის შედგენას, დეტალებზე ორიენტირებას და ლიდერისთვის საჭირო უნარ-ჩვევებზე მუშაობას.
ბანაკის სპეციფიკა:
ბანაკი იქნება განსაკუთრებული. მონაწილეთა მაქსიმალური რაოდენობა იქნება 25 ბავშვი. მონაწილეები დაიყოფიან 5-6 კაციან ჯგუფებად. თითოეულ დღეს ყველა გუნდს მოუწევს სხვადასხვა სახალისო სირთულის გადალახვა. გამარჯვებულ გუნდს გადაეცემა გასაღები და თითოეულ აქტივობაში "ბანაკის ფული".
ბანაკის ბოლოს მოეწყობა აუქციონი, სადაც გაიყიდება სხვადასხვა სამახსოვრო ნივთები. რომლის შეძენაც ბავშვებს შეეძლებათ მხოლოდ ბანაკში დამსახურებული "ბანაკის ფულით".
ბანაკის მიზანს წარმოადგენს ის, რომ მონაწილეებმა ხალისით გაიუმჯობესონ ლიდერობის და გუნდურობის უნარ-ჩვევები, დამოუკიდებლად,ან გუნდის დახმარებით გაართვან თავი რთულ სიტუაციას. მინი ტრენინგებისა და აქტივობების მეშვეობით აიმაღონ IQ და სტრატეგიული აზროვნება. გაიუმჯობესონ აუქციონზე მონაწილეობის უნარი.
ბანაკში სპეციალურად გვეყოლება მოწვეული საგანგებო სიტუაციების სამსახური, რომლებიც ჩაუტარებენ ინსტრუქტაჟს და ბანაკის მონაწილეებს შესთავაზებენ სპეციალურ აქტივობას.
8-დღიანი პროგრამა მოიცავს შემდეგ საკითხებს:
1. გუნდური და ინდივიდუალური სახალისო, შემოქმედებითი და ინტერაქტიული აქტივობები;
2. ტრენინგები და მინი ლექციები რომელიც ორიენტირებული იქნება IQ-ს ამაღლებაზე, სტრატეგიულ აზროვნებასა და სიტუაციური ლიდერის უნარების განვითარებაზე;
3. ფორტი ბოიარდის ტიპის თამაში რეკრეაციულ ზონაში - სპორტულ-ინტელექტულური სავარჯიშოები - ვსწავლობთ კეთებით;
4. დღის და საღამოს თამაშები, სივრცეში ორიენტირებისა და გუნდთან ერთად გადაწყვეტილებების მისაღებად;
5. Welcome Party/საღამოს აქტივობები/კარნავალი/სერტიფიკატების საზეიმო გადაცემა.
სამუშაო გუნდი: შედგება კვალიფიცირებული 4 ლიდერისგან, რომელნიც არაერთხელ ყოფილან საერთაშორისო და ადგილობრივ ბანაკებში ლიდერებად, ატარებენ ტრენინგებს სახვადასხვა თემებზე, ფლობენ პირველადი გადაუდებელი დახმარების უნარებს და შეუძლიათ საგანგებო სიტუაციებში სწრაფი რეაგირება, კარგად იცნობენ ბავშვთა ფსიქოლოგიას და აქვთ ნამუშევარი რთული ქცევის ბავშვებთანაც.
ბანაკის მდებარეობა: ბანაკი გაიმართება ბაკურიანში, სასტუმრო აღჭურვილია: 3-4 ადგილიანი ოთახებით (თითოეულ ოთახს გააჩნია საკუთარი სველი წერტილი, ტელევიზორი), ამასთანავე კომფორტული სასადილო, მცირე სპორტული მოედანი, სათამაშო სივრცე.
მიმდებარე ტერიტორიაზე არის ტყე-პარკები, სპორტული მოედნები და სავარჯიშო ზონა. უახლოესი ამბულატორია მდებარეობს 10 წუთი სავალ გზაზე.
ღირებულებაში მოიცავს:
სასტუმროში ცხოვრება;
კვება;
მგზავრობა;
ბანაკის მაისური;
პროგრამის ხარჯები (სპორტული ინვენტარი, სააზროვნო მაგიდის თამაშები და ა.შ);
უამრავი სახალისო და შემოქმედებითი აქტივობა.
რეგისტრაციისთვის გთხოვთ შეავსოთ განაცხადის ფორმა:
http://webanketa.com/forms/64rk8e9n74qkee346gwkge9p/
მონაწილეობის ღირებულება: 488.00 ლარი.
რეგისტრაცია გრძელდება 5 აგვისტომდე.
* 25 ივლისამდე დარეგისტრირებულ მსურველებზე მოქმედებს 10 %-იანი ფასდაკლება;
** 5 ბავშვის ერთ ჯგუფად დარეგისტრირების შემთხვევაში მოქმედებს 10%-იანი ფასდაკლება;
დეტალური ინფორმაციისთვის დაუკავშირდით ბანაკის დირექტორს,
თეონა ბუაძეს 599 455 233 teklabuadze@gmail.com
დამატებითი საკონტაქტო პირი:
599 989 545 - გიორგი თვალიაშვილი
