Tbilisi G20 Youth Summit 2016 გახსნის ცერემონია შავი ზღვის უნივერსიტეტში დღის პირველ საათზე დაიწყო. ორგანიზატორებმა თორნკე ყიყიშვილმა და დავით ტაბატაძემ სიტყვით მიმართეს დამსწრე აუდიტორიას და ისაუბრეს პროექტის მიზნების, მნიშვნელობის და მხარდამჭერების შესახებ.
დელეგატებს ასევე სიტყვით მიმართა EMT-განათლებისა და მართვის გუნდის და CISV-საქართველოს წარმომადგენელმა თეონა ბუაძემ.
პროექტის ფარგლებში საქართველოს სხვადასხვა კერძო და საჯარო სკოლის მოსწავლეები და უნივერსიტეტის სტუდენტები ერთმანეთს გაუზიარებენ საკუთარ ცოდნასა და გამოცდილებას უახლოეს წარსულში მომხდარ აქტუალურ ისტორიულ საკითხებთან დაკავშირებით და გაეცნობიან დიდი ოცეულის სამიტის მუშაობის სპეციფიკას.
სამიტის თარიღებია: 11, 12 და 13 ივნისი.
